خرم اعجازنائب صدر وفاق ایوان ہائے تجارت و صنعت نے مطالبہ کیا ہے کہ ڈرگ ریگولیٹری اتھارٹی کرونا کی مشکلات کو مد نظر رکھتے ہوئے فوری نوٹس  لیتے ہوئے این او سی(NOC)  جاری کرے۔

انھوں نے کہا کہ اس وقت ملک میں کرونا کے متاثرین کی تعداد میں بہت تیزی کے ساتھ اضافہ دیکھنے میں آیا ہے جو اس بات کا تقاضہ کرتا ہے کہ ملک میں ہر قسم کی میڈیکل سہولیات بشمول ماسک کو ہر شخص اور خاص طور پر متاثر افراد کے لئے میسر ہوکیونکہ اس بات کا بھی عندیہ ہے کہ لاک ڈاؤں  میں نرمی  ہوگی جس کے لئے ماسک کا ہونا لازمی ہے۔ اس لئے ماسک کی درآمدکو آسان اور سہل بنایا جائے اور غیر ضروری پابندیوں سے گریز کیا جائے جس سے پورٹ پر موجود تمام مال اور سپلائی خاص طور پر لاکھوں کی تعداد میں پھنسے ہوئے ماسک کسٹم سے باآسانی ریلیز ہوسکیں۔

انھوں نے مزید کہا کہ ڈرگ ریگو لیٹری اتھارٹی کی سست روی کی وجہ سے لاتعداد امپورٹرز خاص طور پر میڈیکل سپلائی کو شدید نقصان کا خطرہ ہے۔ میڈیکل سپلائی اورخصوصاً ماسک کی پورٹ پر رکے رہنے کی وجہ سے نہ صرف کرونا میں اضافہ کا خطرہ ہے بلکہ اس کی قیمتوں میں اضافہ بھی ہوجائے گااوریہ لوگوں کی دسترست سے باہر ہوسکتا ہے۔

خرم اعجاز نائب صدر نے مطالبہ کیا کے انسانی جانوں کو کرونا کے خطرہ سے دور رکھنے کے لئے پورٹ پر رکے ماسک کے کارگو کو  فوری ریلیز کرنے کے اقدامات کیے جائیں۔

کرونا کی وباء نے پاکستان کی معاشی اور سماجی سرگرمیوں کو بری طرح متاثر کیا ہے یہ بات میاں انجم نثار صدر وفاق ایوان ہائے تجارت وصنعت پاکستان نے ڈی جی رینجر کے ساتھ آن لائن میٹنگ پر کہی۔

FPCCI اور سندھ رینجر کا دی جی جنرل عمر احمد بخاری کے درمیان کاروباری طبقہ کے مسائل پر ایک میٹنگ منعقد ہوئی جس میں صدر ایف پی سی سی آئی نے ڈی جی رینجر کو خوش آمدید کہتے ہوئے کہا کہ ہم بحیثیت بزنس کمیوٹنی آپ کی کارکردگی پر اطمینان اور سکون کا سانس لیتے ہیں جس طرح سے سندھ رینجر نے امن وامان خاص طور پر کراچی کا امن قائم کیا ہے۔ انتہاہی قابل ستائش ہے۔ صدر ایف پی سی سی آئی  نے مزید کہا کہ لاک ڈاؤں کے دوران ساری مارکیٹیں بند تھیں اور پولیس کی نفری بھی لاک ڈاؤں  کے لئے شاہراہوں پر موجود تھی لیکن اس کے باوجود بھی کسی مارکیٹ  میں ڈکیتی یا شٹر  توڑنے کی کاروائی دیکھائی نہیں دی۔ یہ لاء اینڈ آرڈر قائم کرنے والی ایجنسیوں کی کاوششوں کے بعث ممکن ہوا۔عام طور پر یہ بات مشاہدے میں آئی ہے کہ جب تحوار آتے ہیں خاص طور پر رمضان اور عید کا موقع آتا ہے تو جرائم خاص طور پر اسٹریٹ کرائم میں اضافہ ہوجاتا ہے۔ اور یہی چیز کچھ دنوں سے دیکھائی دے رہی ہے۔میاں انجم نثار نے کہا کہ عوام پاک فوج اور رینجر کی خدمات کو قدر کی نگاہ سے دیکھتے ہیں آپ کی عزت دل سے کی جاتی ہے۔ میں سمجھتا ہوں کہ اگر لاک ڈاؤن کرانے یا بازاروں میں SOPs  پر عمل کرانے کے لئے آپ کی خدمات لی جائیں تو یقینا کامیابی ہوگی اور لوگ آپ کی بات پر عمل بھی کریں گے۔انھوں نے کہا کہ اگلے چند دنوں میں امید ہے کہ مارکیٹیں اور بازار کھول دیے جائیں گے اس لئے SOP پر عمل کرانا انتہاہی لازمی اور ضروری ہوگا۔ میاں انجم نثار صدر  ایف پی سی سی آئی نے بتایا کہ گزشتہ روز میں نے اپنی ٹیم کے ہمراہ وزیر اعظم صاحب سے ملاقات کی اور بزنس کمیونٹی کے درپیش مسائل  سے عمران خان صاحب کو آگاہ کیا۔ وہ سمجھتے ہیں کہ ہمارہ موقف بھی درست ہے کہ اس وقت پاکستان کی صنعت کے پاس غیر ملکی کمپنیوں کے ایکسپورٹ آرڈر موجود ہیں  اگر ان کو پورا نہ کیا گیا تو سیزنSeason نکل جائے گا اور پھر ہمیں برآمدات کی کمی کی صورت میں بھاری نقصان کا سامنہ کرنا ہوگا۔ اس لئے بزنس کیونٹی خاص طور پر FPCCI  برآمدی صنعت کو کھولنے کی بات کرتا ہے۔جب پاکستان میں یہ وباء کے پھیلنے کا خدشہ پیدار ہوا اور حکومت نے لاک ڈاؤن کی طرف جانے کا اشارہ کیا تو میں نے معاشی سرگرمیوں اور صنعت و تجارت کو درپیش مسائل کے حل کے لئے فوری طور پر ایک ہیلپ ڈیسک FPCCI کے تمام دفاتر میں قائم کردی جس کی وجہ سے ہم نے کاروبار کو پیدا ہونے والے مسائل کو فوری حل کیا۔صدر میاں انجم نثار نے یہ بھی بتایا کہ انھوں ایف پی سی سی آئی کی طرف سے وزیر اعظم صاحب کو دو(2) کروڑ روپے کی امداد بھی دی تاکہ وزیر اعظم کے وژن کے مطابق اس کرونا سے متاثرہ غریب خاندانوں کی مدد کی جاسکے۔جنرل عمر احمد بخاری نے بزنس کمیونٹی کے مسائل سن کر جواب دیا کہ آج کی میٹنگ ان کے لئے بحیثیت سربراہ سندھ رینجر بہت اہمیت کی حامل ہے کیونکہ اس میں جو مسائل اجاگر ہوئے ان کی نوعیت براہ راست پاکستان کی معاشی ترقی سے ہے۔ ہم کراچی کے امن وامان پر خاص توجہ اور نظر رکھتے ہیں کیونکہ کراچی کی ترقی ملک کی ترقی ہے اور کراچی کی ترقی کا سہراہ بزنس کمیونٹی کو جاتا ہے۔  میں سندھ میں جب سے تعینات ہوا ہوں میں نے دیکھا ہے کہ یہاں کہ بزنس مین سماجی اور فلاحی کاموں میں بڑھ چڑھ کر حصہ لیتے ہیں اور میری اولین ترجیع بھی یہی ہے کہ کراچی کی معاشی سرگرمیاں جاری رہیں۔ جہاں تم اسٹریٹ کرائم کا تعلق ہے تو ابھی کرمنل کو مواقع نہیں مل رہے لیکن حالات بدلتے ہی جب بھی لاک ڈاؤن ختم ہوگا لوگ گھروں سے باہر نکلیں گے تو یہ بھی سرگرم ہونے کی کوشش کریں گہ ہم پوری طرح واقف ہیں اور ہر ممکن ٹیکنالوجی کے ساتھ ان کرمنل کا مقابلہ کریں۔ ڈی جی رینجر جنرل عمر احمد بخاری نے ایک سوال کے جواب میں کہا کہ لاک ڈاؤں نرم کرنے کے فوائد بھی ہیں اور نقصانات بھی کیونکہ ہمارے معاشرہ میں کچھ عادات ایسی ہیں کہ اگر لاک ڈاؤں کا دورانیہ کم کیا گیا تو لوگ اس کو تفریح سمجھ کر باہر نکلیں گے جس کی وجہ سے کرونا کی وبا ء اور متاثرہ  افراد میں اضافہ کا خدشہ ہے۔

میٹنگ سے خطاب کرتے ہوئے سلطان رحمن نائب صدر نے کہا کہ جب لاک ڈاؤن میں نرمی ہوئی تو لوگوں نے بازار کا رخ کیا  اور SOP پر عمل نہیں کیا گیا جس کے نتیجہ میں دوکانداروں کے خلاف مقدمات بنائے گئے حالانکہ کہ کاروباری شخصیات اپنی نمائیندتنظیموں کے ذریعہ اس پر عمل کرانے کی ہر ممکن کوشش کرتے رہے۔ لہذا میں سمجھتاہوں کے ان مقدمات کو ختم کر دیا جائے۔سلطان رحمن نائب صدر نے میاں انجم نثار کی جانب سے  ڈی جی رینجر کو ایف پی پی سی آئی کی یاد گاری شیلڈ بھی پیش کی۔ میٹنگ سے اسلام آباد میں موجود سابقہ صدر سینیٹر حاجی غلام علی، قیصر خان نائب صدر اور مرزا عبدالرحمن نے بھی خطاب کیا جبکہ ڈاکٹر ارشد نائب صدر نے لاہو ر سے شرکت کی۔ کراچی میں بزنس کمیونٹی کے نمائیندوں جن میں ذکریہ عثمان سابق صدر ایف پی سی سی آئی، شوکت احمد سابق سینئیر نائب صدر، امجد رفیع، ناصر حیات مگوں، حاجی غنی عثمان اور اسلم نیازی نے بزنس کمیونٹی کو درپیش مسائل سے آگاہ کیا۔

 

ڈاکٹر اقبال تھہیم 

سیکریٹری جنرل ایف پی سی سی آئی

پر یس ریلیز 

وفاق ایوانہا ئے تجا رت وصنعت پاکستان

پاکستان کی تا جر برادری نے سعو دی عر ب کے ممتاز تا جر شیخ صالح کامل کے انتقال پر دلی رنج و غم کاا ظہارکیا۔صدر ایف پی سی سی آئی، ا میاں انجم نثا ر 

کراچی(21 مئی2020)  فیڈریشن آف پاکستان چیمبرز آف کامرس اینڈانڈسٹری کے صدر میاں انجم نثارنے (ICCIA) کے صدر اور معروف سعودی تا جر شیخ صالح کامل کے انتقال پر گہرے رنج و غم کا اظہار کرتے ہو ئے کہاکہ اس نا قابل تلفی نقصان نے عالم اسلام میں کاروبار اور فلاح و بہبو د کے کامو ں کے حوالے سے بہت بڑا خلا پیدا کر دیا ہے۔ صدر ایف پی سی سی آئی میا ں انجم نثا ر نے مز ید کہاکہ شیخ صالح کامل انتہائی بردباد اور اعلیٰ شخصیت کے مالک تھے۔ انہو ں نے معا شر ے میں ایک ایسی ساکھ بنائی جس میں ان کے کردار اور شخصیت کے مختلف پہلو واضح تھے۔انہو ں نے شروع سے ہی اپنی محنت اور ذہانت کے بلبوتے پر تا جر برادری میں نما یا ں مقام حاصل کیا۔ شیخؒصالح کامل کو اسلامی ما لیات کے بانی کی حیثیت سے بھی جانا جاتا ہے اور انہیں نو مبر 2010میں پہلا میڈیا کے اسلا می مالیات کے شاہی ایوارڈ سے نوازا گیاتھا۔ وہ اسلامی ممالک کی تنظیم کے رکن ممالک کے ما بین تجا رت کے فروغ میں سر گرم عمل تھے، وہ بہت سے سماجی اور ثقافتی سو سائٹیز انتظامیوں کے ممبر بورڈ آف ڈائر یکٹر بھی تھے۔ اس کے علاوہ شیخ صالح کامل اسلا می چیمبر آف کامرس اینڈ انڈسٹر ی، اسلامی بینکو ں اور مالیاتی اداروں کی جنرل کونسل، جدہ چیمبر آف کامرس اینڈانڈسٹر ی، سعودی چیمبر کی کو نسل اور جی سی سی چیمبر ز کی فیڈریشن کے صدر بھی رہے۔ صدر ایف پی سی سی آئی میاں انجم نثارنے کہاکہ مرحوم شیخ صالح کامل عبداللہ کامل کی وفات سے عالم اسلا م کی تا جر برادری کے لیے ایک بہت بڑا نقصان ہے۔ انہو ں نے ساری زندگی امت مسلمہ کی خدمات کے لیے وقف کی ہو ئی تھی۔ وہ اسلامی بینکا ری بینکاری، میڈیا اور دیگر شعبو ں کے با نی تھے اور انہوں نے عالم اسلام کی معاشی تر قی کے لیے سخت محنت کی۔ فیڈریشن آف پاکستان چیمبرز آف کامرس اینڈانڈسٹری (ایف پی سی سی آئی) شیخ صالح کامل کے اہل خانہ، سعودی تا جر برا دری اور اسلامی چیمبر آف کامرس صنعت،زراعت (ICCIA) کے تمام ممبروں سے اظہار تعزیت کرتاہے۔ ایف پی سی سی آئی کے صدر میاں انجم نثار، نائب صدور ممبررز ایگز یکٹو کمیٹی اوت جنرل باڈی، پاکستان کی تا جر برادری اور ایف پی سی سی آئی سیکر یٹر یٹ دعا کرتا ہے کہ اللہ تعالیٰ مر حوم کی روح کو سلا متی اور رحمت عطا فر مائے اور شہدا اور نیک لو گو ں کے ساتھ جنت الفرودس میں اعلیٰ مقام عطا فر ما ئے اور ان کے اہل خانہ اور تمام قریبی عزیز وں کو صبر جمیل عطا فرمائے۔ إنّا لله وإنّا إليهِ رَاجعُون  بے شک ہم اللہ کے ہیں اور اسی کی طر ف لو ت کر جا ئیں گے۔ 

 

 

ڈاکٹر اقبا ل تھہیم 

سیکر یٹری جنرل ایف پی سی سی آئی

کراچی (18مئی 2020    ) صدر ایف پی سی سی آئی میاں انجم نثار کی سربراہی میں وزیر اعظم پاکستان عمران خان سے وزیر اعظم ہاؤس میں ملاقات ہوئی۔ اس موقع پرایف پی سی سی آئی کے نائب صدور قیصر خان داؤدزئی، ڈاکٹر ارشد بھی موجود تھے۔میاں انجم نثار نے ملاقات کے مو قع پر ایف پی سی سی آئی کی طرف سے وزیر اعظم عمران خان کودوکروڑ کا امدادی چیک پیش کیا۔ صدر ایف پی سی سی آئی نے کہاکہ کرونا وائرس کے باعث 50 دن بند ش سے صنعت کار، تاجر، دیہاڑی دار مزور بہت زیادہ متاثر ہوا ہے۔ لاک ڈاؤن میں فیکٹریاں اور دوکانے بند ہونے کے باوجود صنعت کار اور تاجر برادری نے اپنے ملازمین کو تنخوائیں ادا کی۔ انہوں نے کہاکہ شرح سود 8 فیصدکی گئی ہے لیکن ان حالات میں ناکافی ہے کیونکہ تقریباََ دوماہ کاروباری بند رہنے کی وجہ سے تاجر برادری کا مالی طور پر انہتائی زیادہ نقصان ہوا ہے لحاضہ شرح سود کو کم از کم 5کیا جائے۔ انہوں نے مزید کہاکہ انکم اور سیلز ٹیکس کے ریفنڈ جلداز جلد ادا کئے جائے تاکہ ریفنڈ کی ادائیگی سے صنعت کار بنکوں کے قرض ادا کر سکیں۔ 

میا ں انجم نثار نے وزیر اعظم عمران خان سے مطالبہ کیاکہ عید سے متعلقہ مارکیٹں جن میں جیولری، جوتے، کپڑے اور دیگر دکانوں کو 24 گھنٹے کھولنے کی اجازت دی جائے اس طرح مارکیٹوں میں صارفین کے رش میں ہو گی،انجم نثار نے مزیدکہاکہ لوکل فلائیٹ آپریشن، ٹرانسپورٹ کی بحالی کے ساتھ ساتھ ریستوران اور ہوٹلز کو کھولا جائے کیونکہ یورپی ممالک میں بھی حکومتوں نے ریستوران وغیرہ کھولنے کی اجازت دی رکھی۔

میاں انجم نثار نے کہاکہ انٹرنیشل مارکیٹ میں تیل کی قیمت ایک تہائی ہو چکی ہے اس لیئے بجلی کی قیمت میں نمایاں کمی کی جائے تاکہ پیداواری لاگت میں کمی ہو سکے۔ نہوں نے کہاکہ انٹرنیشنل مارکیٹ میں RLNG  کی قیمت میں واضح کمی ہوئی ہے اس لئے پاکستان میں بھی قیمت کو کم کیا جائے تاکہ براہ راست پیداواری لاگت میں کمی کی جا سکے، لوکل انڈسٹری کی Substitution Import  بہتر ہو گی اور پیداواری صلاحیت بڑھنے سے انٹرنیشنل مارکیٹ کا بھی مقابلہ بھی کیا جاسکتا ہے۔

اس کے علاوہ صدر ایف پی سی سی آئی نے وزیر اعظم کو تجویز دی کہ جس طرح کنسٹرکشن انڈسٹری کو ریلف پیکچ دیا اس طرح صنعتوں کو بھی مراعاتی پیکچ دے اور ان میں بھی سرمایہ کاروں کے ذرائع نہ پوچھے جائیں تاکہ پاکستان میں صنعتوں کا نیا جال بچھایا جا سکے جس سے روزگار میں اضافہ ہوگا۔انہوں نے توجہ  حکومت کیطرف مبذول کرائی کہ 5 فیصد EOBI اور 7 فیصد سوشل سیکورٹی کی ادائیگیوں انڈسڑی کیلئے دینا ان حالات میں بہت مشکل ہے لحاظہ اس مسئلہ کو بھی حل کیا جائے۔

صدر ایف پی سی سی آئی نے فاٹا، پاٹا میں صنعتوں کے سیلز ٹیکسز، 17فیصدرا یکسائز ڈیوٹی کوختم کیا جائے کیونکہ  فاٹا، پاٹاکا خیبر پختونخواہ کے زم ہونے سے پہلے صنعتوں کو وفاقی SROs کی روح سے  سیلز ٹیکس معاف تھااس لئے حکومت کو چاہئے کہ سابق وفاقی SROs کو بحالی کرئے اور حکومت کو چاہئے کہ وہ  تاجر اور صنعت کارو کو زیادہ سے زیادہ ریلیف دے تاکہ روزگار کے مواقع پیدا ہونگے۔

 

 

ڈاکٹر اقبال تھہیم 

سیکریٹری جنرل ایف پی سی سی آئی

کراچی(پ ر)فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی)  کے صدر میاں انجم نثار نے مرکزی بینک کی جانب سے شرح سود میں ایک فیصد کمی پر اپنے خیالات کا اظہار کرتے ہوئے کہا ہے کہ معیشت کے تمام طبقات خاص طور پر تجارت اور صنعت کے واضع پیغام کے باوجود مرکزی بینک کی طرف سے شرح سود میں ایک فیصد کی کمی حیران کُن اور موجودہ حالات میں ہماری معیشیت کیلئے ناگزیر ہے۔انہوں نے مزیدکہا کہ موجودہ بگڑتی ہوئی معاشی صورتحال کے پیش نظر تمام مرکزی معیشت کے لئے مُتحرک پیکجز کے ساتھ شرح سود میں نمایاں کمی کی حمایت کر رہے ہیں جبکہ پاکستان کے مرکزی بینک کاموجودہ فیصلہ آنے والے وقت اور افراط زر کی بنیاد پر کیا گیا۔میاں انجم نثار نے مزید کہا کہ ایف پی سی سی آئی ریگولیٹرز کے قدامت پسندانہ موقف کی غمازی کرتا ہے۔جہاں اس کے ردعمل کی رفتار اور وائرس سے ہونے والی تباہی سے کسی بھی طور پرمماثلت نہیں رکھتی۔ایف پی سی سی آئی مانیٹرنگ پالیسی میں بیان کردہ بیرونی اکاؤنٹ کی تفصیلات سے پوری طرح مُتفق ہے۔جس میں یہ بتایا گیا ہے کہ ماہ اپریل کی طرح اس بار بھی کرنٹ اکاؤ نٹ خسارہ قابو میں رہے گا۔انہوں نے مزید بتایا کہ لاک ڈاؤن کے تحت طلب میں کمی کی وجہ سے مئی اور جون کے مہینوں میں در آمد تین ارب سے بھی کم رہے گی۔ میاں انجم نثار نے مزید کہا کہ چونکہ اسٹیٹ بینک کے مُطابق بیرونی صورتحال پر کافی حد تک قابو پایا جا سکتا ہے اس کے لئے افراط زر کے محاز پر کافی معلو مات دستیاب ہے جس کے ذریعے مرکزی بینک اگلے سال کے لئے بتائی گئی 9-7 فیصد سے کم شرح کی پیش گوئی کر سکتے ہیں۔ایف پی سی سی آئی اپنی تحقیق کو ملحوظ خاطر رکھتے ہوئے مرکزی بینک کی طرف سے بنائے گئے متوقع افراط زر کے 5فیصد تخمینہ سے مُتفق ہے اگر حالات معمول کے مطابق ہوتے تو ہم مرکزی بینک کے اس  محتاط اندازے کو سمجھتے لیکن ان غیر معمولی حالات میں ریگولیٹر سے موجودہ صورتحال کی نزاکت اور گہرائی کو سمجھنے کی اپیل کرتے ہیں جس میں کاروباری حضرات اوراداروں سے توقع کی جارہی ہے۔کہ اس کا کاروبار اورسیلزصفر ہونے کے باوجود  مارک اپ حاصل ہو جائے وقت کا تقاضہ یہ ہے کہ پالیسی سازی کے لئے جارحانہ اندازاپنایا جائے اور جو کام کل کرنا ہے آج کر لیا جائے۔ایف پی سی سی آئی نے تعمیری آراء پر مبنی فیصلوں اور پالیسیوں کو بہتر بنانے کے بارے میں ریگولیٹر کے نُقطہ نظر کو سراہا جیسا کہ متعدد ریفنانس سکیموں کی بہتر اصلاحات میں ظاہر کیا گیا ہے۔اسی جذبے سے ہم بھی ریگولیٹر کے ساتھ مل کر کام کرنے کے لئے تیار ہیں۔تاکہ کم سے کم وقت میں شرح سود کو 5 فیصد پر لایا جاسکے۔

 

ڈاکٹر اقبال تھہیم 

سیکریٹری جنرل ایف پی سی سی آئی

کراچی (پ ر)فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کے صدر میاں انجم نثار نے کہا ہے کہ اسٹیٹ بینک شرح سود کو 5فیصد تک لے کر آئے۔انہوں نے کہاکہ مستقبل میں طلب میں کمی،لاک ڈاؤن اورکورونا وائرس کے پھیلاؤ پر قابو پانے کے دیگر اقدامات کی وجہ سے مہنگائی میں مزید کمی آئے گئی۔دوسری طرف غیرملکی مالی امداد اور قرضوں کے ری شیڈول ہونے کی وجہ سے تجارتی خسارے میں کمی کو مدد ملے گئی۔ انہوں نے مزید کہا کہ شرح سود میں آہستہ آہستہ کمی کرنے کی کوئی وجہ نہیں بنتی ہے۔شرح سود میں ایک کی دفعہ میں کمی جائے۔ انہوں نے کہا کہ پاکستان کی معیشت پہلے ہی بہت مشکل سے دوچار ہے کیونکہ کاروباری سرگرمیاں رک گئیں ہیں جبکہ وہ 12 فیصد بینکوں کا مارک اپ ادا کررہے ہیں اور وہ اتنے زیادہKIBOR ریٹ پر کام جاری نہیں رکھ سکتے۔ پاکستان علاقائی حریف چین، بھارت، بنگلہ دیش میں شرح سود 4سے 5فیصد ہے۔اسٹیٹ بینک آف پاکستان کو چاہئے کہ وہ بینکوں کو سہ ماہی کے بجائے ماہانہ بنیادوں پر KIBOR پر نظر ثانی کرنے کا مشورہ دیں تاکہ کم شرح سود کا فائدہ فوری طور پر مشکل میں گھری انڈسٹریز تک پہنچ سکیں۔ انہوں نے مزید کہاکہ بار بار شرح سود کم کرنے کی بجائے اگر سٹیٹ بینک ایک ہی دفعہ شرح سود 5فیصد تک کرتا ہے تو بی پی ایس میں 400تک کمی آئے گئی۔انہوں نے مزید کہا کہ COVID-19 کے تحت سخت حالات بھی شرح شود کو 5فیصد تک کرنے کی حمایت کرتے ہیں۔صدر ایف پی سی سی آئی نے تجارت اور صنعت کی معاونت کے ذریعہ معاشی نمو کو برقرار رکھنے میں اسٹیٹ بینک کے کردار کی تعریف کرتے ہوئے شرح سود میں کمی لا کر مالی طور پر امداد کرنے پر بھی زور دیا۔ انہوں نے کہا کہ اسٹیٹ بینک کو چاہئے کہ ملک کی معیشت کی بہتری کے لئے حکمت عملی تیار کرئے ورنہ ہمیں دوبارہ معاشی بحران،صنعتوں کا بند ہونااور صنعتی اکائیوں کا دوسرے ممالک چلے جانا جیسے مسائل کا سامنا کرنا پڑئے گا۔

 

 

ڈاکٹر اقبال تھہیم 

سیکریٹری جنرل ایف پی سی سی آئی کے